قصة شاب وفتاه

طبعا كلنا عارفين الشات له اخطار وفوايد

والنهاردة معانا موضووع خطير على الشات

بنت جديدة يدوبك اول مرة ولا تاني مرة تدخل على الشات

يا مسهل حافظين الاسطوانات

اول ما تدخل مباشرة باسم بنت اول رسالة بتيجي

الاسطوانة الاولى

هو _ ممكن نتعرف

هي - ممكن

- انتي اسمك ايه

- نيرمين

- ياااه اسمك حلو قوي

-الله يخليك وانت اسمك ايه

- محمدين

- حلو يا محمدين اسمك

- الله يخليكي

وتتوالى بقا باقي الاسطوانة انتي منين وساكنه فين طيب ممكن رقم تليفونك

هنا بقى النقطة الجامدة
- لا مش هاديك رقم تليفوني

- ليه بس

-طيب هات رقم تليفونك وانا اتصل بيك

- اوك خدي (..................)

- ماشي بس عندك اظهار رقم

- لا معنديش

- يا سلام

- انتي مش واثقة فيا

- لا واثقة طبعا ( ال يعني عشرة عمر ) وهاتصل اهو

نخش بقا على الاسطوانة التانية

يرن التليفون الاخ يرفع السماعة

- الووو
-ايوة

- مين معايا ( ال يعني مش عارفها وهو مستني على نار )

- انا نرمين

- اهلا نرمين مستني تليفونك

-انت عامل ايه

- انا كويس وحشتيني

صمت شوية

- بقلك وحشتيني انا كمان ما وحشتكيش

- لا وحشتني

- انا عايز اقابلك ممكن

تخش هي على دوور انها مش قادرة
-لا ما اقدرش يا محمدين سامحني

شويه الحاح مع شوية كلام في الاخر توافق

الاسطوانة التالتة
بعد الاتفاق على انه يقابلها غالبا يكوون في ماكدونالد

- اخير جيتي كنت خايف لتفقعيني بمبة
- لا طالما قلت جاية يبقى جاية

-تعرفي اني زي ما توقعتك تماما ( مع انها غالبا بتطلع العكس خالص )

- صحيح يا محمدين ( هي متاكده انه كداب )

- ايوة دانتي لخبطتي كل برامجي خليتي فتاة الامي تبقى نرمين وبس

هي قلبها يرقص من الفرحة وحاسة ان محمدين ده هو الشاب اللي هايخطفها على حصان ابيض

المهم حياتها بقت كلها محمدين وبس تدخل بقى على مرحلة خطرة يبدأ يمسك ايديها

هي تقوله لا يا محمدين عيب يقولها احنا حانتجوز
ييحط بقا في باله حاجات اكبر من كده
هي
- لا يا محمدين عيب كله الا كده

- دي هي بوسة بس مش عايز غيرها

مع شوية الحاح الاخ يوصل للمطلوب

الاسطوانة الرابعة

-ايه يا محمدين مش هاتيجي تطلب ايدي

- لا شوية اصل انا مخنوووق اليومين دووول

- ليه كفالله الشر

- مشاكل مادية

لو كانت غنية هاتفتح الشنطة وتديله هو بقى يعيش في دوور انه مش ممكن ياخد منها لحد ما تنقعه انهم واحد وياخد بقا ويهيص وهكذا
اما لو كانت فقيرة مش هاتفتح الشنطة وعلى كده تنتهي الحكاية

وترجع نيرمين زي ما بدات من الاول

اما تتقوقع وتجيلها حالة نفسية وتتغير وتصبح فتاة غير اللي كانت الاول

اما ترجع تعيش نفس الحكاية من الاول مع غيره

عموما الشاتات 69% من الكلام اللي فيها كذب وغش و92% ذئاب بينظرو اي فتاة ساذجة

لتنفيذ خططهم انا بس عايز اوضح نقطة خطيرة في الشات

عموما كلامنا مش بينطبق على كل البنات

في بنات خبرة في الشات عاشت القصة اكتر من مرة يعني بتعرف تتعامل مع الانواع

وفي نووع ساذج اول مرة مفيش خبرة يقعو فريسة لاي ذئب منتظر الفرصة

واخيرا كفانا الله شر ذئاب وقراصنة الانترنت

وعلى كل اخت ان تحترس

وهنا لسنا نعيب على الشات ولكن كما له مخاطره له فوائده في النقاش الجاد

والتعارف بصداقات وغالبا 100% من الحب على الانترنت فاشل

وتحياتي

اطلب ايديها ياراجل عيب عليك قدام الناس كده
ياكسوفى

قراصنة الانترنت انته متعرفش حصلهم ايه
هههه
شكرا جزيلا لك كتير

لا بصراحه معرفش حصله ايه القراصنه دول وبعدين عندك حق لازم يطلب ايدها

اولا رمضان كريم وشعبان لئيم راح يتفسح بتلاتة مليم وسابنا مخدناش معاه ندل من يومه
ثانيا ايه المواضيع الجامدة دى بس بس هى تستاهل وبعدين الناس الخبرة الى زى طبعاههههههههه مش هايقعو وبصراحة انتو عندكو حق لازم طبعا يطلب ايدها وبالحق يا فرعون هما قراصنة النت حصلهم ايه ؟؟؟

معلش يا ايوته قبل ماارد عليكى لازم اقولك
نورتى منتدانا ومنتدى الناس اللى جنبنا ونورتى جميع المنتديات
بعدين مينفعش اقول ايه اللى حصل للقراصنه وانتى موجوده معانا
شكرا لك على هذا الاطراء الجميل ايوته

كل عام وانتم بخير ورمضان مبارك على الجميع
ربنا يهدى القراصنه بتوع النت
لازم نعمل زى الناس بتوعنا وناخد القراصنه اسرى بعد كده