فلسفة حمـــــــار

عجبي عليك يا ابن ادم يا كبير الدار قومت الدنيا وقعدتها لما قالو حمار!!!

هو اسمي شتيمه ولا جنسي ده عار...خلقني ربي ولا حدش له خيار

انا مهما زاد الحمل فوقي صابر علي المشوار

لا في يوم اقول اشمعني اخويا واخد منه التار

ولا يوم ابص لرزق غيري واطق منه واغار

ولا ادفع مهر لحمارتي وشبكة وسوار

ولا شقة اجمع في تمنها ولا اجهز دار

ولا حرمي حامل تتوحم عايزه الكافيار

ولا بنت تخرج عن طوعي وتجيبلي العار

ولا ابن يدمن ويهلوس ويقع وينهار

عايش في حالي ومتهني وليه افكار!!!

باكل واشرب وانهق وما فيش اسرار وابن ادم يخدمني ليل ونهار

وان جعت يشتري برسيمي باغلي الاسعار

وفي مرضي يفضل يعالجني ويدعي الستار

خادم امين من غير راتب ولا حتي ايجار

والحين عرفت يا ابن ادم

مين الفينا حمار

هههه فعلا عندك حق يا روري
و ربنا يستر على الكل
مرسي على طرحك للموضوع
ويارب في تقدم مستمر