قضيه شغلتني كثيرا

الساده اخواني واخواتي اعضاء المنتدى
السلام عليكم ورحمة الله وبركاته ....وبعد
بما انني من ابناء الصعيد وولدت في احضان الريف والهواء النقي والبراءه والكرم الذي قلما تجده في غير اهل الكرم اهل الصعيد واللذين يخلون من الكذب والخداع الذي تجده كثيرا دون اهل الصعيد.
لذا فقد انتابني اسى وحزن شديد حينما رأيت اعلانات التلفزيون اللتي تدعي انها تطلب العون لاهل الصيعد ويقولون انهم لا يجدون المأوى او الملبس وكأنهم ليس من البشر او انهم يعيشون تحت خط الفقر .انني لا انكر عدم توفر الصناعه او التجاره في الصعيد حيث ان الاعتماد الرئيسي له هو الزراعه فقط.فاطلب من حضاراتكم توضيح ارائكم تجاه هذا الموضوع الذي من خلاله الكل ينظر الى اهل الصعيد نظرة عطف بالرغم ان هناك الكثير من الفقراء في جميع انحاء الجمهوره وليس بالضروره الصعيد فقط .........................

ياريسنا مع احترامى للجميع
كله محصل بعضه وعادى الموضوع جدا
أنا على استعداد أقوول اسمى على الجمهوريه كلها عادى وعلى جميع وسائل الاعلام وخلى الشعب يجمعلى تبرعات من بكره الصبح
الفقر مش عيب ممكن يكون الفقر أحسن من اللى معاه وبخيل على نفسه وعلى اسرته

عندى موضوع حلو بقى ايه رايك فيه اسمه اهوا

مع اعتذارى للصعايده

لية الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.
__________________________

كيف تعرف البواب الصعيدي ....؟؟؟؟؟ يقوم بتنظيف المصعد في كل دور
__________________________

صعيدي سألوة أية رأيك في الزواج المبكر...؟؟؟؟ قال لهم في أي ساعة
__________________________

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.
__________________________

صعيدي لغي موعده مع الدكتور لأنة مريض
__________________________

مره واحد بلديتنا طوبه جت في صدره بص وراه
__________________________
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
_______________________
مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.
_____________________
اربعه بلدياتنا بيلعبو علي الطريق السريع الي العربيه تخبطه مرتين يطلع بره
________________________
عشرين واحد من بلدياتنا غرقوا في غواصه ليه؟؟ سمكه خبطت عليهم!!
_______________________
واحد بلدياتنا عازم صحابه على السطح ليه؟ أصدقاء سطحيين
___________________
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
_______________________
واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد
____________________
بلدياتنا تاجروا في الموز خسروا علشان
بيرمو الموز المعوج
______________________
واحد بلدياتنا في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!
________________________
بلدياتنا مبيعرفشى يعوم وقع فى البحر مات محروق
____________________
واحد بلدياتنا وقع في خلاط الأسمنت طلع منه قال يخرب بيت الملاهي.
______________________
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
البقال نعم عندى فقال الطفل طيب بكام
_____________________
واحد بلدياتنا رجع من السفر لقى الشقة مليانه صراصير.. غير قفل الباب
_____________________
واحد بلدياتنا اشتري كمبيوتر... شال الماوس وحط جاموسة
___________________
بلدياتنا أول مرة يشوف واحد فلبيني قال يا بخته ده شبعان نوم
______________________
واحد بلدياتنا راح يتمشى جابوه من على الحدود
______________________
مرة واحد بلدياتنا عرف ان الجلد موضة مشى عريان
___________________
جماعة بلدياتنا عملوا أتوبيس بالعرض عشان يركبون كلهم قدام
____________
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة
___________________
مره واحد بلدياتنا ركب دماغه عمل حادثه
_______________
مرة واحد بلدياتنا نزل في محطة الرمل رجلة غرزت
________________
واحد بلديتنا اتعزم على حفلة تنكرية بعت اخوه
___________________
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
___________________
واحد بلديتنا كبر دماغه معرفش يخرجها من التيشرت
__________________

ياريس خليك فريش دا احنا فى رحله
انته حبيبى من أيام الجيزه

ياريس خليك فريش دا احنا فى رحله
انته حبيبى من أيام الجيزه

ههههههههههههههههههههههههههههههههههههه

لولا انك صاحبي وحبيبي من ايام الجيزه كنت اتخذت معاك اجراء تاني واحب اقولك ان اعلام الدوله معظمهم من الصعيد

اولا انا صعيدية طب هو صديقك وسامحته طب انا اعمل فى ايه بقى
وثانيا انا مش قابلة اعتذاره
وبعدين يا فرعون مش من حقك انك تجرح فى الصعايدة كده
قالو:يا فرعون ايه فرعنك قال:ملقتش حد يلمنى
وبعدين يا فرعون انت كاتب مع احترامى للجميع فين الاحترام ده انت محترمتش حد من الصعايدة خالص

فعلا عندك حق لازم حد يلمنى ولازم كمان انك تاخدى اجازه عشرة أيام وفعلا الاحترام مطلوب جدا

كل عام وانتم بخير ورمضان كريم عليكم اضافه من (الفرعون_المصرى)

مشكور love maker على هذه اللفتة التي لو دلت علي شئ تدل علي قوة ملاحظتك
هو فعلا الصعيد مظلوم وحظه قليل من قبل اهتمام الدولة به عن الوجه البحرى ولا شك فى ذلك

يعنى فى الصعيد مثلا فى مشاكل فى الطرق ووسائل المواصلات
ومفيش وسائل للرفاهية كفاية زى النوادى والسينمات والحدائق العامة عددها قليل ومحدود
وكمان فى نسبة عالية فى الهجرة من الصعيد لبحرى عشان يقدر الشخص يوفر لاسرته مستوى معيشى مناسب

لكن الاعلام بيعرض الصعيد بصورة غير مقبولة وتحسسك انى الصعايدة دول متسولين سورى فى هذا التعبير
بس هى دى فعلا الصورة الى بتوصل لاى مشاهد

للاسف هى دى ارخص وسيلة عشان يجمعو بيها المال مش مهم بيقولو ايه ولا الرسالة الى بيوصلوها صح ولا غلط المهم العائد والربح المادى من هذه الاعلانات
بس هو ده الاسلوب الى بيتبعه الاعلام فى زمنا ده يعنى اسلوب "انا وما بعدي الطوفان"

يا مصر ليا الشرف اكون``
اكون من سكانك``
فى الصعيد جوه``
اعانى حرمانك``
فى اسكندرية مارية``
عايشة ببركاتك``
ملو السما اطيار``
بتغنى الحانك``
احب عيشك وملحك``
ونخلك ورمانك``
النهر يسقى بحنان``
خضرك وازهارك``
انت التاريخ البعيد``
تحية لاجيالك``
على ايديكى يموت العدو``
ولو كترو حسادك``
مهما علا شأنى``
انا لسه خدامك``......انا لسه خدامك``
:101: :101:

اشكركم على حسن تعاونكم معي وتوضيح ارائكم ....واتمنى من كل قلبي الرقي والتقدم للصعيد وانا بعتز بكوني صعيدي مهما قالو ا

بلدي وان جارت عليا عزيزة ................ واهلي وان ضنو عليا كراما

أيوتة كتب:: اولا انا صعيدية طب هو صديقك وسامحته طب انا اعمل فى ايه بقى
وثانيا انا مش قابلة اعتذاره
وبعدين يا فرعون مش من حقك انك تجرح فى الصعايدة كده
قالو:يا فرعون ايه فرعنك قال:ملقتش حد يلمنى
وبعدين يا فرعون انت كاتب مع احترامى للجميع فين الاحترام ده انت محترمتش حد من الصعايدة خالص

فعلا عندك حق لازم حد يلمنى ولازم كمان انك تاخدى اجازه عشرة أيام وفعلا الاحترام مطلوب جدا

كل عام وانتم بخير ورمضان كريم عليكم اضافه من (الفرعون_المصرى)

معلش بقى ياأيوته الغلط مردود مش أنا أول واحد يقول النكت دى بتهيالى ان اى حد سمعها فى التليفزيون على الأقل بس يمكن الواحد لسه مش عارف يحترم الناس ازاى
ان شاء الله تيجى بالسلامه بعد عشرة أيام وتنورى من جديد

انا كمان صعيدية
معلش يا أيوتة خليكى فريش ولا يهمك..بس انتى شكلك صعيدية صعبة حبتين

انا عن نفسى لما قريت النكت دى قعدت اضحك لحد معنيا دمعت من كتر الضحك
ايوة طبعا انا ادايقت شوية لانها عن الصعايدة بس كبرى دماغك

كبرى الG وروقى الD

ويعدين مش شوية نكت هما اللى هيقولو مين الصعايدة ولا يقللو منهم
فى شخصيات كتــــير خرجت من الصعيد ليها دور فعال فى المجتع لا يمكن انكاره زى مثلا

رفاعه رافع الطهطاوى ولد بمركز طهطا محافظة سوهاج
ويعتبر من قادة النهضة العلمية فى عهد محمد على باشا

عبد الرحمن الابنودى محل الميلاد أبنود – قنا - مصر
وهو من قلائل شعراء العامية الذين أوجدوا لأنفسهم مكانا في وجدان الجماهير العربية، فهو يعتبر نفسه الحارس على التراث القروى المصرى.

الرئيس الراحل جمال عبد الناصر هو ولد فى الاسكندرية لكن اصله صعيدى
كان جمال عبد الناصر الابن الأكبر لعبد الناصر حسين الذي ولد في عام ١٨٨٨ في قرية بني مر في صعيد مصر في أسره من الفلاحين، ولكنه حصل على قدر من التعليم سمح له بأن يلتحق بوظيفة في مصلحة البريد بالإسكندرية.

...........الخ
وبعدين كلنا مصريين يا جماعة بغض النظر صعيدى او مش صعيدى
وكل سنة وانتو طيبين

ياجماعه الموضوع عادى جدا جدا وبسيط قوى
ايه المشكله الكبيره دى وبعدين العضوه ايوته متحامله جدا عن اللزوم دى نكت يعنى هدفها الضحك ليش اكتر وأظن ان دى حاجات عاديه كلنا بنسمعها من يوم ماتولدنا

شكرا لك love على طرجك للموضوع
بس انا بطالب الفرعون بقفل الموضوع وخلى الناس حبايب

أولا مساء الخير عليكم
هوا ايه الكلام الجامد ده

أنا بعترض مع الاخloveوالاخت ايوته

وأوافق الاخ الفرعون ورورى والخيال

لأن خير الكلام ماقل ودل

وياريت زى ما الخيال قال نقفل الموضوع وخلينا حبايب أحسن

رجاااااااء

قفل الموضوع وخلي الناس حبايب

السلام عليكم ورحمة الله وبركاته
موضوع القضيه اللى بنتكلم فيه ده أنا شايفه انه مش قضيه ولا حاجه
هيا ايه القضيه فى الموضوع ده مع احترامى للكاتب والأعضاء

شكرا لكم كثيرا

موضوع لا يليق بالمنتدى

لا تعليق

no comment

معلش بقى ياجماعه لازم نقفل الموضوع عشان الكلام كتر قوى
ولازم بقى نسيبنا من موضوع اكفل قريه يتيمه فى الصعيد ومشروع جاموسه عشر ومستشفى 57357
وكل ده وعيش حياتك عادى جدا بكره تروق وتحلى
أسفين على الازعاج
وأسفين على تعطيل العضوه أيوته وممكن تستخدم حسابها من جديد

حياكم الله